Gaitidağı törmälärdä totqınnar awır xäldä

Gaitidağı törmälärdä totqınnar çiktän tış küp bulu arqasında alar açlıq häm su citmäwdän integä.

Berläşkän Millätlär Oyışması mäğ’lümatlarına qarağanda, uzğan yıl Gaitida 185, bıyıl isä 20 dän artıq totqın ülgän.

Başqaladağı törmadä tuberkulyez belän awıruçılarğa qaraw citmi, alarnıñ kübesenä su häm rizıq ta kilep citmi.

Yoqlarğa urın bulmaw säbäple, totqınnar tönne ayaqta uzdıra.

Qulğa alu waqıtı ğadättä 48 säğat’ bulğan ildä bu tormışqa aşırılmıy häm qulğa alu waqıtı ozaqqa suzıla.

Gaitida totqınnarnıñ 80%ı xökem itüne kötä, keşe xoquqları belgeçläre bu keşelärneñ sud’ya qarşına çığuları öçen yıllar kiräk bulaçağın äytä.