Gaitida su basu häm cir ubılu qorbannarı arttı

Gaitida 5nçe iyün’dä bulğan köçle yawım-töşemnär kiterep çığarğan su basu häm cir ubılularda ğomere özelüçelär sanı 51gä citte. İlneñ grajdanlı saqlanu idaräse yuğalğan keşelärneñ - 18, ä yaralanuçılarnıñ isä 140 buluın belderde.

Gaitida älegä qadär 820 öy tulısınça cimerelgän, 31 meñ 591 yort su astında qalğan, 40 meñ ğailä isä êvakuaśiyälängän. İlneñ könbatışı su basulardan citdi räweştä zıyan kürgän, cirlektä azıq-tölek, gigiyena tovarları häm çista suğa ixtiyac bar.

Xökümät räise Ariêl Genri milli häm xalıqara yärdämnär täêmin itelüe öçen aşığıç adımnar yasaluın citkerde.

Gaitida 2016nçı yılda bulğan Mêt’yu ğarasatı 800dän artıq keşeneñ ğomeren özgän ide.