Dön'ya Hindstannıñ qayğısın urtaqlaşa
Hindstannıñ Orissa töbägendä kiçä ike yulçı häm ber yök poyızdı bäreleşte
Paqıstan xökümäte räise Şaxbaz Şärif Hindstannıñ Orissa töbägendä bulğan qurqınıç poyızd hälakätendä ğomere özelüçelär öçen qayğınamä urtaqlaştı. Ul Twitterdağı yazmasında waqıyğa nisbätennän tirän borçıluın citkerde. Şärif älege faciğale hälakättä ülüçelärneñ ğailälärenä täğ’ziyälären belderde, yaralanuçılarğa şifa teläde.
Amerika Quşma Ştatalrınıñ milli qurqınıçzıqlıq kiñäşçese Djeyk Sallivan da Twitterdağı yazmasında Hindstandağı poyızd hälakäte nisbätennän tirän qayğı belderde.
“Könçığış Hindstanda bulğan ülemle poyızd hälakäte xäbäre üzägebezne özde. Yörägebez bu faciğale waqıyğada yaqınnarın yuğaltuçılar häm yaralanğan bik küp keşe yanında” dip yazdı ul.
Berläşkän Millätlär oyışması ğomum särqatibe Antonio Guterriş ta älege hälakät nisbätennän qayğınamä urtaqlaştı. Ul qorbannarnıñ ğailäläre, Hindstan xalqı häm xökümätenä tiränten täğ’ziyälären citkerde häm yaralanuçılarğa şifa teläde.
İsegezgä töşeräbez: Hindstannıñ Orissa töbägendä kiçä ike yulçı häm ber yök poyızdı bäreleşte. Hälakättä 288 keşe ülde, 900dän artığı yaralandı.
