Mars qabığı cirnekennän qalınraq

Marsta uzğan yıl barlıqqa kilgän cir teträwdän soñ Mars qabığınıñ dön’yanıqınnan qalın buluı öyränelde.

“ScienceNews” xäbärenä kürä belgeçlär NASAnıñ “InSight” utıru qorabı terkägän zilzilädän alınğan mäğlümatlarnı bäyäläde.

Mars qabığınıñ urtaça 45 belän 56 çaqrım qalınlıqta buluı bilgelände.

Bu mäğlümatlarğa kürä Mars qabığı cir qabığınnan yaqınça 70%ka qalın.

Yasalğan ülçäwlär NASAnıñ 4 yıl buyı Marstağı qabıq xäräkätlären terkägän seysmometr bulğan “InSight” apparatı mäğlümatlarına tayana.

“InSight” 2022 yılnıñ may ayında barlıq Marsnı teträtkän häm 6 sägät’tän artıq däwam itkän 4,7 ball zurlıqtağı zilziläne terkäde.

Cir teträw Marsnıñ qabığın 3 tapqır äylänep çıqqan.

Bu mäğlümatlarnı qullanğan Ŝyurix Universitetınnan seysmologiya belgeçe Doyeon Kim häm törkeme planetanıñ qabıq qalınlığın farazladı.

Tikşerenüçelärgä kürä qabıq Marsta ber ük tigezlektä tügel.

Tikşerenü "Geophysical Research Letters" jurnalında açıqlandı.