Yartı million balağa açlı-tuqlı yäşäw qurqınıçı yanıy

Yämän xökümäte köçläre kontrole astında bulğan töbäklärdä bıyıl yartı million balağa açlı-tuqlı yäşäw qurqınıçı yanıy.  

Bu xaqta BMOnıñ Balalarğa yärdäm itü fondı YUNİSEF, Azıq-tölek häm awıl xucalığı oyışması, Bötendön’ya azıq-tölek programmasınıñ urtaq belderüendä citkerelä.

”Xökümät kontrolendäge kön’yaq provinśiyälärdä citärlek däräcädä tuqlana almawnıñ naçarayuı belän 2023 nçe yılda yartı millionğa yaqın balanı açlı-tuqlı yäşäw kötä” diyelä belderüdä.

Şulay uq ildä yartı million yökle häm imezüçe xatın - qızlarnıñ da azıq-tölek citmäwdän integüe farazlana.

BMOnıñ Balalarğa yärdäm itü fondı YUNİSEF, Azıq-tölek häm awıl xucalığı oyışması, Bötendön’ya azıq-tölek programmasınıñ urtaq belderüendä “Yämän xökümäte kontrolendä bulğan barlıq töbäklär, ildäge bäreleşneñ töp säbäpläre häm iq’tisadi naçarayu däwam itkän oçraqta, yuğarı däräcädä aşawğa moxtaclıq kiçeräçäk” diyelä.