Keniyada bilgesez xastalıq

Keniyadä bilgesez xastalıq arqasında 9 keşe yaqtı dön’yadan kitte.

Cirle matbuğattağı xäbärgä kürä ilneñ tön’yağındağı Marsabit töbägendä  çıqqan kizü şaqtıy keşegä yoqtı.

Älegä säbäbe bilgelänmägän kizüdä 9 keşeneñ ğomere özelde, alardan 3ese – bäbi. 80nän artıq keşe awırıy.

Töbäktä kizügä qarşı çaralar kürelde, xastalar küzätü astında.

Berençe mäğlümatlarğa kürä kizüneñ awır malyariya bula alaçağı farazlana.

Kizü yoqqan keşelärdä köçle baş awırtuı, küzlärneñ sarı töskä kerüe häm gripp simptomnarı küzätelä.