Gaitida uzğan ayda 600dän artıq keşe üterelde

Gaitida aprel’ ayında ğına da 600dän artıq keşe üterelgän.

BMOnıñ keşe xoquqları yuğarı komissariatınnan yasalğan belderüdä başqala Port-o-Prensnıñ törle mäxällälärendä bulğan köç qullanu waqıyğalarında bik küp keşeneñ canı qıyıluı citkerelä. Anda ilgä aşığıç räweştä yärdäm köçläre cibärelergä kiräklegenä iğ’tibar cälep itelä.  

Gaitida yıl başınnan birle üterelüçelärneñ sanı 846ğa citkän. Bu waqıt êçendä 395 keşe urlanğan.

BMO keşe xoquqları yuğarı komissarı Volker Türk Ğaitiğa “qatğıy häm aşığıç” xalıqara tıqşınunıñ şart buluın assızıqlap, ildä çige kürenmägän köç qullanu śiklı barlığın äytte.

Regionnıñ iñ fäqıyr’ däwläte bularaq bilgele Gaitida iminlek, säyäsättän tış, sośial’ häm sälamätlek saqlaw xezmätlären ilneñ bik küp cirlegendä bandalar kontrol’ itä. Anda keşe urlaw, talaw, rişwätçelek, yanaw häm bandalar arasındağı bäreleşlär arqasında meñnärçä keşe öylären taşlap kitärgä mäcbür buldı.   

Xoquq saqçılarınıñ bandalar kiterep çığarğan köç qullanu waqıyğaların kontrol’ astına alu mäs’äläsendä citärlek bulmawı kürende.