Serbiyadä tağın ber höcüm
Mladenovac rayonında 21 yäş’lek ber keşe maşinadan tirä-yaqqa ut açtı
1983026
Serbiyadä 9 keşe ülgän mäktäp höcümennän soñ tağın ber qorallı höcüm barlıqqa kilde.
Başqala Belgradka yaqın urnaşqan Mladenovac rayonında 21 yäş’lek ber keşe maşinadan tirä-yaqqa ut açtı.
Höcümdä berençe mäğlümatlarğa kürä 8 keşe ülde, 13 keşe yaralandı.
Höcümçe maşinasında qaçtı. Waqıyğa urınına şaqtıy poliŝiya törkeme cibärelde.
Höcümçene tabu öçen boralaqlar häm keşesez hawa apparatları qatnaşqan operaŝiya başlatıldı.
Serbiyaneñ êçke êşlär ministrı Bratislav Gasiŝ waqıyğanı terror höcüme dip atadı.
Serbiyadä çärşämbe könne 13 yäş’lek höcümçe ber mäktäpne bastı, 8 uquçı belän ber saqçı yaqtı dön’yadan kitte.