AQŞtan Rusiyäneñ yuğaltuları turında belderü

Ukrainada baruçı suğışta dekabr’ ayınnan birle 20 meñnän artıq Rusiyä ğaskäriyeneñ ülüe belderelde.

Amerika Quşma Ştatları Aq Yort milli iminlek şurası strategik êlemtä koordinatorı Djon Kirbi köndälek matbuğat cıyılışında: “Cıyılğan küzläw mäğ’lümatlarına qarağanda, ruslarnıñ dekabr’ ayınnan birle 100 meñ külämendä yuğaltu kiçerüen farazlıybız” dide häm älege sannıñ 80 meñeneñ yaralanuçı, 20 meñeneñ ülüçe buluın söyläde. Ul 20 meñ keşesen yuğaltqan Rusiyä berlekläreneñ yaqınça yartısınıñ Rusiyäneñ här töbägendäge törmälärdän cıyılğan mäxkümnärdän toruçı “Vagner” törkeme suğışçıları buluın da citkerde.

Kirbi ruslarnıñ Donbass töbägendäge ber ay baruçı höcüm kereşüeneñ zur külämdä uñışsız buluın äytte. Ul Rusiyäneñ yuğaltuları turındağı mäğ’lümatnıñ AQŞ küzläw oyışmalarınıqı buluın belderde, tik Ukraina yağınıñ yuğaltuları xaqında söylämäde.

Kirbi Ukrainanı saqlawnıñ äle haman täêsirle buluın häm Rusiyäne marginal’ ciñülär öçen iskitkeç çığımnar tügärgä mäcbür itüen äytte.