Sudandağı bäreleşlärdä ülüçelär sanı arta
Alarnıñ sanı 528 gä citkän
Sudanda armiyä häm Operativ yärdäm köçläre dip ataluçı xärbi oyışma arasında aprel’ urtasında başlanğan bäreleşlärdä 528 keşeneñ ğomere özelgän, 4 meñ 599 keşe yaralanğan.
Sudan sälamätlek saqlaw oyışması belderüendä bäreleşlärneñ 12 ştatqa täêsir itüe äytelä.
Sudanda yaqlar 5 nçe tapqır iğ’lan itelgän utnı tuqtatunıñ ikençe könendä dä höcümnärne däwam ittergännär.
Başqala Xartumdağı ilbaşı idaräse sarayı häm armiya ğomum komandirlığı tiräsendä bäreleşlär köçäyä barğanda, kön’yaqtağı başqa rayonnarda da utnı tuqtatu bozıla.
Xartumnıñ küp rayonnarında atu tawışları işetelä, töten kütärelä.
Operativ yärdäm köçläre Omdurmanda armiyäneñ “MİG” xärbi oçqıçın bärep töşerüen alğa sörä.
Kiçä irtän başlanğan bäreleşlär kiç belän dä däwam itkän.
Sudanda yaqlar AQŞnıñ 28 nçe aprel’dän başlap 72 säğat’lek yaña utnı tuqtatu çaqıruın ütäçäyäçäklären beldergännär ide.
