Watanğa xıyanät öçen - ğomerlek törmä

Rusiyä däwlät başlığı Vladimir Putin watanğa xıyanät öçen ğomer buyı irektän mäxrüm itüne küzallawçı qanunnı imzaladı. Moña qadär ul 20 yılğa qadär törmä ide.   

Monnan tış, terrorçılıq cinayäte êşläwçelärgä birelä torğan 15 yılnı 20 yılğa citkerdelär. Xalıqara terrorçılıqta ğayeplänüçelärgä isä 12 yıldan başlap ğomer buyı törmädä utıru yanıy.

Terrorçılıqqa êtärüçelär – 5tän başlap 7 yılğa qadär, terrorçı oyışmalarğa kerüçelär 10-15 yılğa iregennän mäxrüm itelä ala.