Nigeriyadä 29 keşe urlanğan
Qorallı höcümdä 29 keşe urlanğan, ike keşe höcümçelärdän qaça alğan
Nigeriyaneñ Federal’ başqala töbägendä qorallı keşelär oyıştırğan höcümdä 29 keşe urlanğan.
“Daily Trust” gazetı xäbärenä kürä uzğan tönne Federal’ başqala töbägeneñ Kvali rayonına bäyle Yevuti awılına kilgän qorallı keşelär tirä-yaqqa ut açqan.
Höcümdä aralarında balalar da bulğan 29 keşe urlanğan, ike keşe isä höcümçelärdän qaça alğan.
Kvalineñ êlekke gubernator yärdämçese Alhaji Zubairu Jibrin urlanuçılar arasında bertuğanı häm bertuğanınıñ ğailäseneñ dä buluın äytte.
Jibrin urlanuçılarnıñ irekkä cibärelüe öçen xökümättän aşığıç yärdäm soradı.
Nigeriyadä keşe urlawçılar ülem cäzasına xökem itelä, moña qaramastan yolım öçen urlaw oçraqları yış küzätelä.
İldä artqan iminlek problemaları belän köräş qısalarında qorallı keşelärgä yolım tüläw tıyılğan ide.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
