Yasalma iyärçen Cirgä töşärgä mömkin

Amerika Quşma Ştatlarınıñ aviaśiya häm ğaläm agentlığı NASA qaramağındağı qullanılıştan çıqqan iyärçenneñ Cirgä töşä aluı belderelde. Ressi dip ataluçı cihaz atmosferağa AQŞnıñ könçığış yarı waqıtı belän kiçke yaqta keräçäk dip isäplänä.

NASA häm AQŞ saqlanu ministrlığı beldergänçä, 272 kilogramm awırlıqtağı ğaläm apparatınıñ zur öleşe atmosferada yanaçaq, tik qayber kisäkläreneñ Cirgä töşüe kötelä. Anıñ planetada kemgä dä bulsa zarar birüe qurqınıçınıñ tübän buluı assızıqlana. Mondıy ixtimal yaqınça 2 meñ 467gä 1.

2002nçe yılda orbitağa oçırtılğan iyärçen êlemtä problemaları arqasında 2018nçe yılda “layıqlı yal”ğa çıqtı. Aña qadär ul 100 meñnän artıq Qoyaş aktivlığın töşerde.