Semeru yanartawı köl atıp çığara başlağan

İndoneziyäneñ Könçığış Yava provinśiyäsendäge Semeru yanartawı köl atıp çığara başlağan.

Semeru vulkanın küzätü stanśiyäse wäqalätlese Sigit Rian Al’fian äytüençä, bügen yanartawda 16 şartlaw bulğan häm ul tirä -yaqqa bik küp qaynar köl ağıza başlağan.

“Berençe şartlaw irtänge 7 säğat’ 10 minutta, ikençese irtänge 8 säğat’ 40 minutta buldı. Şartlawlarnıñ härberse 81-110 sekund arasında däwam itte”,- dip belderä Al’fian.

Räsmi zatlar Semerudağı xäräkätlelek arqasında töbäk keşelären saq bulırğa öndägän häm vulkan täêsir itkän territoriyäneñ tön’yaq - könçığışta 13 çaqrım, başqa töbäklärdä 5 çaqrım buluın beldergän.