Yämändä balalar qızamıqtan ülä

Yämändä bıyıl qızamıqtan 77 balanıñ ğomere özelgän.

Bu xaqta Berläşkän Millätlär Oyışmasınıñ Yämändäge gumanitar êşlärne koordinaśiyäläw ofisı xäbär itä.

Oyışmanıñ yazmaça belderüendä äytelgänçä, ildä qızamıq taraluğa qağılışlı sannar borçuğa sala.

Yämändä yıl başınnan birle 9 meñ 418 qızamıq oçrağı terkälgän, qızamıqtan 77 bala ğomeren yuğaltqan.

Belderüdä 2022 nçe yılda Yämändä yaqınça 22 meñ qızamıq oçrağı açıqlanuı häm 160 keşeneñ annan ğomeren yuğaltuı iskä töşerelä.

Qızamıqtan tış difteriya oçraqları häm monıdıy awırulardan ülüçelär sanınıñ artuı äytelä.

Bötendön’ya sälamatlek saqlaw oyışması 19 nçı martta yasağan belderüendä Yämändä qızamıq häm poliomielit oçraqları taraluın kisätkän ide.

İldäge watandaşlar suğışı häm anıñ näticäläre arqasında sälamätlek saqlaw sistemasında mediśina cihazları citmi.