Robot keşegä üpkä küçerep utırttı

İspaniyada täwge tapqır robotlaştırılğan operaśiya ısulı belän ber awıruğa üpkä küçerep utırtıldı. Ul Barselona şähärendä Vall d’Xebron xastaxanäsendä uza. Fevral’ ayı axırında yasalğan operaśiya belän bäyle centekle mäğ’lümat matbuğat cıyılışında belderelde.

Operaśiyä qabırğalarğa zarar birmiçä kükräk astınnan keçkenä kisek yasap tulısınça robot yärdämendä başqarıla. 5 säğat’ däwam itkän üpkä küçerep utırtunıñ uñışlı çığuı belderelde.   

Xastaxanäneñ üpkä awıruları bülege citäkçese Al’bert Xoregui oxşaş prośeduranıñ älegä qadär N’yu-Yorktağı Maunt-Sinay xastaxanäsendä başqarıluın, tik anda robotnıñ öleşçä genä qullanıluın citkerde. Şuña kürä Vall d’Xebrondağı robotlaştırılğan operaśiyä täwgese ide häm ul bu texnikanıñ xalıqara däräcädä alğarışına êtärgeç biräçäk dip uylanıla.