Êkvadorda törmädä bäreleş

Êkvadordağı ber törmädä üzara doşman bandalar arasında çıqqan bäreleştä 12 mäxküm ülde, 3 keşe yaralandı. Waqıyğa ilneñ Guayakil’ şähärendäge Litoral’ törmäsendä bula.  Las-Agilas häm Tigerones dip ataluçı ike törkem ber-bersenä qarşı çığa.

Törmä mödire Ronal’d Sançes matbuğatqa beldergänçä, waqıyğa urınına bik küp iminlek köçe kiterelgän. Alar kontrol’ne täêmin itärgä tırışa.

Sośial’ mediada taralğan videolarda bäreleş tawışları işetelä häm qayber mäxkümnärnen yaralı xäldä törmädän çığarıluı kürenä.

Êkvadorda 30 meñ keşe sıydırışlı 65 törmädä yaqınça 39 meñ mäxküm totıla. Bandalar arasında çıqqan waqıyğalar qayçaq ülemle fetnälär belän tögällänä.

İldä uzğan yıldan birle doşman bandalar arasında çıqqan bäreleşlärdä 460tan artıq mäxkümneñ ğomere özelde.