Norvegiya 15 rus diplomatın ildän cibärä

Norvegiya başqala Oslodağı Rusiyä ilçelegendä êşläwçe 15 diplomatnı şımçılıq başqaruları şöbhäse belän ildän cibärergä qarar birde.

Tışqı êşlär ministrı Anniken Huitfeldt açıqlaw yasap, qararnıñ Norvegiyadä rus küzläw êşçänlekläreneñ täêsir mäydanın taraytu häm köräş alıp baru, şul räweşle milli mänfäğat’lärne garantiya astına alu öçen möhim çara buluın äytte.

Persona non-grata itep iğlan itelgän 15 rus diplomatnıñ ozaqlamıy ildän kitüe zarurlığın assızıqlağan ministr Huitfeldt tübändägeçä däwam itte: “Norvegiyağa viza öçen möräcäğat’ itkän küzläw xezmatkärlärenä viza birmäyäçäkbez,” – dide.

Huitfeldt ilneñ Küzläw xezmäte PSTneñ mäs’älä belän bäyle açıqlaw yasayaçağın citkerde.

“Çirattan diplomatlar tügel alar, êşçänlekläre diplomatik statuslarına turı kimli,” – dide ministr.