Freddi ğarasatı tınmadı

Afrikanıñ kön’yaq-könçığışındağı yarlarında küzätelgän Freddi ğarasatı arqasında Malavida ülüçelär sanı meñgä citte.

Malavi däwlät başlığı Lazarus Çakvera matbuğatqa açıqlaw yasap, ğarasat salğan zıyan häm ülüçelär sanı belän bäyle mäğlümat birde.

Ğarasat arqasında ülüçelär sanınıñ meñgä kütärelüen beldergän Çakvera 500 meñnän artıq keşeneñ dä yortların taşlap kitägä mäcbür qaluın belderde.

“Klimat üzgäreşe säbäp bulğan ğarasatta öylär, küperlär, mäktäplär häm êş urınnarı cimerelde, yullar, ênergiya liniyaläre häm igen-basularğa zıyan kilde,” – dide däwlät başlığı.

İldä töten bazarı sezonınıñ açılu waqıtınıñ citüenä iğtibarnı cälep itkän Çakvera ğarasatnıñ iqtisadi xäräkätkä dä täêsir itüen açıqladı.

Ğarasatta Mozambik häm Madagakar da zıyan kürde. Mozambikta yaqınça 70 keşeneñ ğomere özelgän.

Bötendön’ya Meteorologiya oyışması fevral’ ayında başlanğan häm ber aydan artıq däwam itkän Freddi ğarasatınıñ tarixnıñ iñ ozaq baruçı ğarasatı bula alaçağın açıqlağan ide.