Franśiyada cimerelgän binada ülüçelär artqan

Franśiyadağı cirle häm regional’ radiostanśiyalar çeltäre “France Bleu” xäbärenä kürä, Marsel’ prokuraturası yasağan yazmaça belderüendä cimereklär astında qalğan soñğı 2 keşeneñ mäyıteneñ dä çığarıluı citkerelde.

Häläq’ buluçılarnıñ sanı 8gä citkän bulsa, ülüçelärneñ tanıqlıqlarınıñ bilgelänelüe belderelde.

Marsel’ şähäreneñ Tivoli bistäsendäge 5 qatlı binada 8nçe aprel’ne 9nçı aprel’gä totaştırğan tönne barlıqqa kilgän şartlawdan soñ bina cimerelgän, berençe mäğ’lümatlärgä kürä, 33 keşe yaralanğan ide.

Tirä-yaqtağı binalardan da 200gä yaqın keşe iminlek säbäbe belän êvakuaśiyälängän ide.

Waqıyğa belän bäyle tikşerü açılğan, räsmilär şartlawnıñ gaznıñ sarqıp yuğaluına bäyle buluı ixtimalı östendä toruların beldergän ide.