Awstriya: “Putin ilgä kilgän oçraqta qulğa alınaçaq”

Awstriya Töp qanun (Konstituśiya) häm Awrupa Berlege ministrı Karoline Edtstadlernıñ kiçä Germaniyanıñ “Tagesspiegel” gazetına: “Putinnıñ Awstriyağa kergän oçraqta qulğa alınaçağın,” - dip äytüe uñayınnan Tışqı êşlär ministrlığınnan belderü yasaldı.

Belderüdä Rusiyä İlbaşı Putinnıñ Awstriyağa säxäyät itkän oçraqta qulğa alınaçağı raslandı.

"Berkem dä xoquqtan östen tügel. Böten cinayätlär dä kimçeleksez räweştä yaqtırtılırğa tiyış, xökemgä tartılmıyça qaldırıla alınmıy,” – dip äytelgän belderüdä Awstriyanıñ da başqa illär kebek Xalıqara cinayät’ mäxkämäse qabul itkän qararlarnı ütäw yöklämäseneñ buluına basım yasaldı.

Belderüdä: "Bu – mäxkämä qabul itkän qulğa alu qararın ütäw häm êzlängän keşene qulğa alu mäğ’näsenä turı kilä. Bu, älbättä, İlbaşı Putin öçen dä ğamäldä,” – dip äytelde.

Fäqät Putinnıñ, mäxkämägä kergän 123 äğ’za ilgä säyäxät itep, mondıy risknı üz östenä almayaçağı da iskärtelep uzıldı.