Ukrainadan Pol'şağa kerüçelär sanı 11 millionnan artqan
Kiçä genä 20 meñ keşe çik aşa ütkän
1973220
10 nçı aprel’gä Ukrainadan Pol’şağa kergän möhacirlär sanı 11 millionnan artqan.
Pol’şa çik saqçılarınıñ Twitter akkauntındağı belderüdä äytelgänçä, Ukraina - Rusiya suğışı başlanğannan birle (2022 nçe yılnıñ 24 nçe fevralendä) köçle migraśiya däwam itä.
Kiçä genä Ukrainadan Pol’şağa 20 meñ keşe kergän, suğış başlanğannan birle Ukrainadan ilgä kilüçelär sanı 11 millionnan artqan.
Pol’şadan kitkän ukrainalılarnıñ ğomumi sanı 9 million 259 meñ dip terkälgän.
Pol’şanıñ Awrupa Berlegendäge daimi wäkillege urtaqlaşqan mäğ’lümatlarğa qarağanda, Ukrainadan Pol’şağa kilüçelärneñ 87%ın xatın – qızlar häm balalar täşkl itä.
