Soğud Ğaräbstanı häm Oman wäkillekläre Yämändä

Xusilärgä bäyle “SABA” xäbär agentlığına kürä, xusilärneñ Yuğarı säyäsi şurası başlığı Mähdi äl-Mäşat başqala Sanada Oman häm Soğud Ğaräbstanı wäkilleklären qabul itte.

Söyläşüdä xusilärneñ söyläşülär wäkillege başlığı Möxämmäd Abdussälam belän qayber räsmilär dä qatnaştı.

Alıp barğan aradaşçılıq, qaraş ayırmalılıqların beterü ölkäsendäge uñay role häm böten Yämän xalqı telägän tınıçlıqnıñ urnaştırıluı öçen sarıf itkän tırışuları öçen Mäşat Omanğa räxmätle buluların belderde.

Mäşat ayıruça Yämän xalqınıñ azatlıqqa häm tınıçlıqqa omtıluın tormışqa aşıraçaq ğadel häm däräcäle tınıçlıqnı yaqlawların qabatladı.

Soğud Ğaräbstanı wäkillege başlığı da Yämändä tınıçlıqnı häm totrıqlılıqnı xuplağanı häm tınıçlıq urnaştırıluı öçen alıp barğan êşçänlege öçen Omanğa räxmät belderde.

Oman belän Soğud Ğaräbstanınnan şuşı söyläşü turında älegä belderü yasalmadı.

Yämändä İran yaqlawçı xusilär 2014nçe yılnıñ sentyabr’ ayınnan birle başqala Sananıñ häm qayber töbäklärneñ kontrolen üz qulında tota.

Soğud Ğaräbstanınıñ äydäp baruçanlığındağı koaliśiya köçläre isä 2015nçe yılnıñ mart ayınnan birle xusilärgä qarşı Yämän xökümätenä bulışlıq itä.

Berläşkän Millätlär Oyışmasınıñ Yämän maxsus wäkile Hans Grundberg 2022nçe yılnıñ 2nçe aprel’ könne Yämän xökümäteneñ häm xusilärneñ operaśiyälären 2 ayğa tuqtatunı qabul itüen iğ’lan itkän, utnı tuqtatu annan soñ ike tapqır ozaytılğan ide. Taraflar arasında 6 ay däwam itkän utnı tuqtatu 2022nçe yılnıñ 2nçe üktäbr’ könne betkän ide.