Burkina - Fasoda terror höcüme

Burkina - Fasonıñ tön’yağında bulğan terror höcümendä 44 keşeneñ ğomere özelgän.

Cirle massaküläm mäğ’lümat çaraları xäbär itüençä, kemlege bilgesez qorallı keşelär Saxel töbägendäge Kurako häm Tondobi awıllarına höcüm itälär.

Waqıyğada 44 keşe ğomeren yuğalta, höcüm öçen cawaplılıqnı älegä berkem dä üz östenä almağan.

Kürşe il Malidağı “Äl Qaidä” häm “DEAŞ” belän bäyläneşle terrorçı törkemnär 2015 nçe yıldan birle Burkina - Fasonıñ tön’yağında häm könçığışında yış qına höcümnär oyıştıra.

Xökümät mäğ’lümatlarına qarağanda, höcümnärdä 2015 nçe yıldan 2021 nçe yılnıñ dekabrenä qadär 2 meñ keşeneñ, şul isäptän 600 qurqınıçsızlıq  xezmätkäreneñ ğomere özelgän, 2 million keşe öylären taşlap kitkän.