İzrail Livanğa da höcüm başlatqan

İzrailneñ Ğazzägä höcümnäre däwam itkändä Livanğa da höcüm başlatuın citkerde.

İzrail armiyasennän yasalğan açıqlawğa kürä İzrail Saqlanu köçläre Fälästin xäräkäte Hamasnıñ Livan êçendä êşçänlek kürsätüenä röxsät birmäyäçäk.

Açıqlawda Livannıñ üz cirlärennän oyıştırılğan här höcümnän cawaplı totılaçağı assızıqlandı.

Livan matbuğatı yazğança İzrail armiyase Livannıñ kön’yağında urnaşqan Fälästin qaçaqlar lagere er-Reşadiye yanındağı urınnı bombağa tottı.

Sur şähärendä urın alğan er-Reşadiye tirä-yağına kim digändä 3 raketa ırğıtıldı, berençe mäğlümatlarğa kürä ülüçelär yuq, qayber öylär zıyan kürgän.

İzrailneñ blokada astındağı Ğazzägä qarşı höcümnäre dä däwam itä.

İzrailneñ xärbi oçqıçları Ğazzädä fälästinle qarşılıq kürsätü törkemnärenä bäyle qayber xärbi urınnarğa yünälde.

Höcümdä ülüçe yäisä yaralanuçınıñ bulıp bulmawı älegä bilgesez, qayber öy häm cirleklärgä zıyan kilgän.

İzrail höcümnärenä Ğazzä raketa belän cawap qaytardı. Fälästinle qarşılıq kürsätü törkemnärennän yasalğan açıqlawda bolay diyelä: “İzrailneñ höcümnärenä cawap biräbez.”

Berläşkän Millätlär Oyışması isä höcümnärne tuqtatırğa çaqırdı.

Höcümnärdän soñ yözlärçä fälästinle irtänge namaznı yaw astındağı Könçığış Qudüstä urnaşqan Äl-Aqsa mäçete işeğaldında uqıdı.

İzrailneñ Ğazzägä qarata höcümnäre protest itelde. İzrail poliŝiyase irtänge namazğa barğan fälästinlelärgä qarata tuqmar qullandı.