Seyşelda dön’yadağı iñ zur tozlu suda yözüçe qoyaş êlektr stanśiyäse tözelä
Êlektr stanśiyäseneñ su astındağı yäşäyeş häm tirä-yün’ moxitkä tiskäre täêsire bulmayaçağı belderelä
Seyşel utrawlarında dön’yadağı iñ zur tozlu suda yözüçe qoyaş êlektr stanśiyäse tözeläçäk. Cirle xäbär agentlığı citkergänçä, Franśiyäneñ ênergetika şirkäte anı qoru öçen êşçänleklärne başlağan inde.
Êlektr stanśiyäse Seyşelnıñ iñ zur utrawı Maênıñ könçığış yarındağı Providens rayonı yanında bulaçaq. Anda 5 megavattlı fotoêlektrik qoyaş ênergiyäse caylanmaları urnaştırılaçaq. Älege proyekt tögällängännän soñ Seyşel tozlu suda yözüçe dön’yadağı iñ zur qoyaş êlektr stanśiyäsenä iyä bulaçaq.
Şulay itep, 99 meñ keşe yäşi torğan turizm ile qaldıqlarsız tormış maqsatına tağın ber adımğa yaqınlaşa.
Xökümät yärdämendäge proyektnı 7 ay êçendä tämamlarğa planlaştıralar. Êlektr stanśiyäseneñ su astındağı yäşäyeş häm tirä-yün’ moxitkä tiskäre täêsire bulmayaçağı belderelä.
Seyşel utrawları xäzerge waqıtta ênergiyä ixtiyacınıñ kübesen cir astınnan çığarıluçı yağulıq yärdämendä qanäğat’länderä.
