Açulı avtobus yörtüçelär ministrğa höcüm ittelär

Argentinada xezmättäşläreneñ üterelüenä rizasızlıq beldergän avtobus yörtüçeläre Buênos -Ayresnıñ qurqınıçsızlıq ministrı Serxio Berniga höcüm ittelär.

Başqalanıñ La Matanza rayonında qorallı höcümdä ğomerlären yuğaltqan xezmättäşläre arqasında cıyılğan distälägän maşina yörtüçe yulnı yaptılar.

Protestçılar belän söyläşü öçen avtoyulğa kilgän ministr Berniğa açulı avtobus yörtüçelär yodrıqlar häm taşlar belän höcüm ittelär.

Küp sanda keşeneñ höcümenä duçar bulğan häm borını qanağan ministrnı poliśiya köç xäl belän xalıq arasınnan çığardı.

Avtoyulnı yapqan häm êş taşlaw çarasına kereşkän avtobus yörtüçeläre räsmi zatlardan qurqınıçsızlıq çaraların köçäytüne taläp ittelär, yuğisä êş taşlawdan baş tartmayaçaqların belderdelär.

Bu waqıyğa xaqında tikşerü başlatqan prokuratura cinayät’ belän bäyle dip uylanğan ber keşeneñ qulğa alınuın citkerde.

Buênos -Ayresnıñ qasabaları arasında yulçılar yörtüçe avtobus şofyerları yış qına qorallı keşelärneñ höcümnärenä duçar bulalar.

Daniêl’ Barrientos isemle avtobus yörtüçese dä La Matanzada kükrägenä pulya tiyü arqasında hälaq bula.