Yaponiya Fukusima yänäşäsendäge toraq punktlarnı torğıza

Yaponiyä xökümäte Fukusima atom-töş stanśiyäse yänäşäsendäge ike töbäktä êvakuaśiyä boyırığın ğamäldän çığardı. 2011nçe yıldağı cir teträw häm śunamidan soñ stanśiyädän atom ênergiyäse sarquı näticäsendä andağı keşelär başqa cirlärgä küçerelgän ide.

Stanśiyägä yaqın urnaşqan yar buyı şähäre Tomiokanıñ Yonomori häm Osugê rayonnarı 12 yıl buyı “kire qaytu awır” statusında ide. Xäzer alar “maxsus tözekländerü mäydannarı” dip iğ’lan itelde. Şulay itep, afättän soñ êvakuaśiyälängän keşelär 2 ay êçendä êlek yäşägän cirlärendä tözelüçe noqtalarğa kire qayta alaçaq.

Yaponiyädä 2011nçe yılda bulğan 9 ball zurlığındağı cir teträw häm annan soñğı śunamida 15 meñ 900 keşeneñ ğomere özelde. Êvakuaśiyä boyırıqları säbäple yäşägän cirlärennän küçerelgän keşelär sanı 2022nçe yılğa 30 meñnän artıq ide.