Yämändä köçle yawım-töşemnär

Yämändä köçle yawım-töşemnär häm su basuda 9 meñnän artıq yortsız qalğan ğailä zıyan kürde.

Yämän xökümätenä bäyle Yortsız qaluçılar şähärçegeneñ departament räislege açıqlağan xisapta Marib şähärendä soñğı 10 köndä köçle yawım-töşem häm su basuda zıyan kürgän yortsız qalğan ğailälär xaqında mäğlümat birelde.

Xisapta Maribtä 9120 ğailäneñ su basuda zıyan kürüe urın ala.

Yortsız qaluçılar şähärçegeneñ departament räislege Berläşkän Millätlär Oyışması, xalıqara häm cirle yärdäm oyışmalarına su basuda zıyan kürgän ğailälärneñ ixtıyacların qanäğat’länderü öçen aşığıç yärdäm kürsätergä çaqırdı.

İldäge watandaşlar suğışı arqasında Maribtä 2 millionnan artıq yortsız qalğan keşe awır şartlar astında kön kürä.

Berläşkän Millätlär Oyışmasınıñ Qaçaqlar yuğarı komissariatı xisaplarına kürä watandaşlar suğışı arqasında Yämän xalqınıñ 73%ı gumanitar yärdämgä moxtac xälgä äylände, 4 million 300 meñ keşe dä yortsız qaldı.

İldä 13 meñnän artıq watandaş bäreleşlärdä yaqtı dön’yadan kitte.