Qıtayda "ağulı" qom burannarı
İlneñ bik küp töbäklärenä quyı qom buranı kilä
Qıtaynıñ tön’yağındağı dala häm çül cirleklärendä suıq hawa belän kisken cillärneñ 10nan artıq töbäk häm provinśiyädä qom buranı kiterep çığara aluı kisätüe yasaldı. Bu xaqta ilneñ meteorologiyä üzäge yasağan belderüdä äytelä. Monıñ yılnıñ iñ köçle qom buranı bulaçağı farazlana.
Belderüdä naçar hawa şartlarınıñ Sin’śzyan-Uyğır, Ninsya-Xuêy häm Üzäk Mongoliya avtonom töbäkläre, Śinxay, Gan’su, Şên’si, Şan’si, Xibêy, Lyaonin, Śilin’ häm Xêylunśyan provinśiyäläre, şulay uq, başqala Pekin häm Tyan’śzin’ şähärlärenä yoğıntı yasayaçağı belderelä.
Meteorologlar tön’yaq çülläre häm dalalarında qışın citärlek yawım-töşem bulmawı säbäple cir öslegendä cıyılğan qom häm tuzannıñ yazın kön’yaq töbäklärneñ irtä cılınuı näticäsendä tön’yaqtan kön’yaqqa isüçe cillär belän oçıp qom burannarı kiterep çığaruın belderä.
Başqala Pekinda qom buranı arqasında hawa pıçraqlığı kritik däräcägä citte. Anıñ keşe sälamätlegenä täêsire nisbätennän “ağulı” dip ataluçı kategoriyädä buluı açıqlandı.
