Yämändä qızamıq häm poliomielit tarala
Bu xaqta Bötendön’ya sälamätlek saqlaw oyışması kisätä
Bötendön’ya sälamätlek saqlaw oyışması Yämändä qızamıq häm poliomielit awıruları taralu turında kisätte.
Oyışmanıñ Twitter akkauntındağı belderüendä qızamıq belän awırğan balalarnıñ 80%tan artığınıñ privivkasız buluı äytelä ,Yämändä privivkalarnıñ möhimlegenä basım yasala.
Yämän xökümäte küptän tügel Berläşkän Millätlär Oyışmasınıñ Balalarğa yärdäm itü fondı YUNİSEF häm Bötendön’ya sälamätlek saqlaw oyışması belän bergä 12 provinśiyädä poliomielitqa qarşı vakśinaśiya kampaniyäse başlap cibärde.
İldäge poliomielit oçraqları kübesençä Sana, Zemar, Xudäydä, Sada, İbb, Xaccä, Äl-Bäyda häm Amranda oçrıy.
Yämän sälamätlek saqlaw ministrlığı 2020 nçe yılnıñ martında yasağan belderüendä ildä poliomielit belän awırunıñ 2005 nçe yılda betüen, läkin husilärneñ mediśina törkemnäreneñ töbäklärgä barıp citüen totqarlawı arqasında Xaccä häm Sada şähärlärendä awrunıñ artuın citkergän ide.
