Şri-Lankada däwlät xezmätkärläre êş taşlağannar

Şri-Lankada kerem salımı häm êlektr ênergiyäsenä tüläwlär artu arqasında küp sanda däwlät xezmätkärläre ber könlek êş taşlağannar.

Alar arasında sälamätlek saqlaw, timer yul häm port êşçeläre dä bar.

Sälamätlek saqlaw xezmätkärläreneñ êş taşlawı arqasında ilneñ küpçelek däwlät xastaxanälärendä xezmät tuqtap qalğan.

Êş taşlaw çarası timer yullarğa da täêsir itkän, Şri-Lankada poyezd säfärlären çiklägännär.

Hönärçelär berlekläre ildä êlektr ênergiyäse öçen tüläwlär häm keremnärgä salım artunıñ êşçelärne qıyın xäldä qaldıruın belderep, xökümät çaqırularğa qolaq salmasa, êş tawlaw ozaytılaçaq dip kisätkännär.

Xökümt isä bu artularnıñ däwlät keremnären arttıru häm êlektr ênergiyäse citeşterü üzqıymmäten qaplaw maqsatınnan tormışqa aşırıluın belderä.