Qıtay çit il keşelärenä turist häm säyäxät vizasın birä başlıy
Qıtaynıñ çit il wäkilçelekläre çit il watandaşlarına turist vizasın häm başqa törle säyäxät vizaların yañadan birä başlayaçaq
Qıtay tışqı êşlär ministrlığınıñ konsullıq êşläre departamentınnan yasalğan belderüdä ilçeleklärneñ, konsullıqlarnıñ häm tamğaxanälärdäge (tamojnyalardağı) viza ofislarınıñ yaña tör koronavirus (Kovid-19) kizüeneñ başında tuñdırılğan viza operaśiyäläreneñ bügennän başlap qabat başlatacağı citkerelde.
Turist vizaları häm waqıtlıça tranzit vizaları belän bergä härtörle viza öçen möräcäğätneñ qabul itelüe häm raslanuınıñ yañadan başlatılaçağı äytelgän belderüdä viza prośeduraları tuqtatılıp torılğan 2020nçe yılnıñ 28nçe mart könennän êlek çığarılğan vizalarnıñ da üz köçendä qaluı iskärtelep uzıldı.
Belderüdä tamğaxanälärdän waqıtlıça tranzit öçen birelgän vizalarda säyäxät säbäbeneñ legitımlığına qağılışlı qararnı tiyışle organnarnıñ qılaçağına basım yasaldı.
Ayıruça Haynan utrawına häm Gongonk belän Makau maxsus idari töbäklärennän Guangdong vilayätenä yasalaçaq törkem säyäxätlärendä vizasız kerü mömkinlegeneñ täêmin iteläçäge belderelde.
Qıtay “Kovid-19” kizüe başlanğannan soñ 2020nçe yılnıñ mart ayında çiklären tışqı dönyağa yapqan häm böten vizalarnı tuñdırğan ide.
İl 2023nçe yılnıñ 8nçe ğıynwar könne “Kovid-19”nı "A kategoriyäse kizü xastalığı”nnan çığarıp, çik buyı sälamätlege häm karantin qanunı nigezendä qullanılğan çaralarnı häm çikläwlärne ğamäldän çığarğan, çik buyların yañadan açqan ide.
