İlbaşı bulaçaq afät turında kisätte

Peru ilbaşı Dina Boluarte tropik Yaku ğarasatı kiterep çığara aluçı afätlärgä qarşı toru öçen başqala Limada qızıl töstäge xäwef däräcäse iğ’lan itelüen belderde.

"Dawıl belän bergä köçle yañğırlar kötelä, grajdanlı saqlanu sisteması, qorallı köçlär häm poliśiyä xezmätkärläre äzerlek xälendä uyaw saqta tora. Mäktäplär häm universitetlarda 1 könlek yal iğ’lan itelde,”-dide ilbaşı.

Boluarte Lima aşa ütüçe Şil’yon, Rimak häm Lurin yılğalarınıñ taşu qurqınıçı barlığına iğ’tibarnı cälep itä. Ul cirlektä êzläw-qorqaru törkemeneñ äzerlektä toraçağın äytä.

İlbaşı watandaşlarnı säyäxätlären kiçekterep torırğa çaqırdı. “Xökümät 3 däräcädä daimi koordinaśiyäne rasladı. Watandaşlarğa ğarasat aldınnan tınıç bulırğa häm kiräkle çaralarnı kürergä kiñäş itäbez,”-dide ul.   

Peru xökümät räise Al’berto Otarola da dawılnıñ cimergeç täêsire turında xalıqnı kisätte. “Kürelgän çaralar Lima häm Kal’yao töbägendä 24 säğat’ buyı watandaşlarğa xezmät itäçäk,”-dide ul.  

Tın okeanda barlıqqa kilgän Yaku ğarasatınıñ bu tönnän başlap Peru yarlarına bärüe kötelä.