İñ ozın küper cimerelde

Ğıyraqta ike kön tuqtamawçı köçle yawım-töşem arqasında su basular häm taşqınnar barlıqqa kilde. Näticädä ilneñ iñ ozın küpere Dakuknıñ ber öleşe cimerelde. Bu xaqta Kärkük yul häm küper idaräse mödire Qasıym Xämzä citkerde.

Cimerelgän küper Kärkük-Bağdad yulın ber-berse belän bäyli. Qasıym Xämzä älege marşrutta bik küp küper barlığın, tik ber çaqrım ozınlığındağı Dakuknıñ şaqtıy ähämiyätle ikänen söyli.

İkeyaqlı küper 23 teräk östendä tözelgän. Soñğı 2 köndä täêsirle bulğan köçle yañğır arqasında su däräcäse kütärelgän. Näticädä küperneñ 5 terägeneñ asqı öleşe bozılğan.

Qasıym Xämzä awır yök taşuçı texnikanıñ küper aşa uzuın tuqtatuların belderde.