“Boko Xaram” äğ’zaları qurqınıçsızlıq köçlärenä birelgän

Nigeriyäneñ tön’yaq-könçığışında ike atna êçendä 1 meñ 332 “Boko Xaram” äğ’zası üz teläge belän birelgän.

Nigeriya saqlanu ministrlığınıñ media operaśiyäläre direktorı Musa Danmadami soñğı 2 atnada qurqınıçsızlıq köçläreneñ Borno ştatında “Boko Xaram” terror oyışmasına qarşı operaśiyälär oyıştıruın beldergän.

Danmadami beldergänçä, operaśiyälärdä 1 meñ 332 terrorçı ğailäläre belän qurqınıçsızlıq köçlärenä birelgän.

Terrorçılar totıq itep alğan 19 keşe qotqarılğan, oyışmanıñ 8 äğ’zası täêsirsez xälgä kiterelgän, terror oyışmasına logistik yärdäm kürsätkän 35 keşene êläktergännär.

Nigeriyädä 2000 nçe yıllardan başlap höcümnär oyıştırğan “Boko Xaram”nıñ 2009 nçı yıldan birle massaküläm terror ğamällarendä 20 meñnän artıq keşe ğomeren yuğaltqan.

Terror oyışması 2015 nçe yıldan başlap çik kürşeläre Kamerun, Çad häm Nigerdä dä höcümnär oyıştıra.

Oyışmanıñ Çad küle basseynındağı höcümnärendä kim digändä 2 meñ keşeneñ ğomere özelgän.

İldä terror höcümnäre häm bäreleşlär arqasında yöz meñlägän keşe küçenep kitärgä mäcbur bulğan.