İzrail köçläre 3 fälästinlene üterde

İzrail köçläre basıp alınğan Könbatış Yordan üzänlegendäge Cenin şähärenä oyıştırğan basqında 3 fälästinlene üterde. Alar tübälärgä snayperlar urnaştıra häm 3 yeget utırğan maşinanı utqa tota. Näticädä fälästinlelärneñ ğomere özelä.  

İzrail armiyäse yıl başınnan birle fälästinlelär küpläp yäşi torğan Könbatış yordan üzänlegeneñ törle noqtalarında basqın häm saq astına alu operaśiyälären arttırdı. Älege çaralarğa rizasızlıq belderüçe fälästinlelärgä plastik yädrä häm yış qına çın yädrälär belän qarşılıq kürsätälär. Könbatış Yordan üzänlegeneñ tön’yağında, bigräk tä, Cenin häm Nablus töbäklärendä dä fälästinle qorallı törkemnär häm İzrail ğaskäriläre arasında bäreleşlär çığa.