NASA İzrailneñ teleskobın ğalämgä oçırtaçaq

Amerika Quşma Ştatlarınıñ milli aviaśiya häm ğaläm agentlğı NASA 2026nçı yılda İzrailneñ berençe ğaläm teleskobın cir orbitasına oçırtaçaq.  

İzraildäge Veyśman fännı institutı yasağan yazmaça belderüdä äytelgänçä, teleskopqa ULTRASAT iseme birelgän. Anıñ oçırtıluı NASA belän ilneñ İnnovaśiyä, fän häm texnologiyä ministrlığı arasında yaña imzalanğan xezmättäşlekneñ ber öleşe bulaçaq. ULTRASATnıñ älege ministrlıqqa bäyle Ğaläm agentlığı belän institutnıñ töp proyektı buluı citkerelä.

Teleskopnıñ dön’yadağı neytron yoldızlarnıñ quşıluı şikelle küçeş waqıyğaların açıqlaw häm analizlaw mömkinleklärendä alğarış barlıqqa kiteräçäge belderelä. ULTRASATnıñ Cirdän ülçäp bulmıy torğan ul’trafiolet nurlarnı ülçi alaçağı häm fän dön’yasına küçeş xäräkätläre turında waqıtında kisätülär cibäräçäge uylanıla.  

Belderüdä äytelgänçä, teleskop İzrailneñ kiläçäktäge ğaläm iniśiativalarına yul salaçaq.