Avstraliyädä 2,4 tonna kokain qulğa töşerelde

Könbatış Avstraliyä poliśiyäse 700 million dollar bäyäsendäge 2,4 tonna kokainnı qulğa töşerde. Monıñ il tarixındağı iñ zur narkotiklarğa qarşı operaśiyä buluın citkerdelär.

Könbatış Avstraliyä poliśiyäse yasağan yazmaça belderüdä qulğa töşerelgän kokainnıñ Meksika narkokartelläreneke buluı äytelä.

“Xalıqara yäşeren operaśiyä belän 700 million dollar bäyäsendäge 2,4 tonna kokainnıñ Avstraliyägä kertelüenä kirtä quyıldı. Operaśiyä Meksika narkokartelläre belän bäyle kokainnıñ qulğa töşerelüe häm 12 keşeneñ saq astına alınuı belän tögällände” diyelä belderüdä.