“Taliban” Awrupa illäreneñ Äfğanstandağı ilçeleklären açuın teläde

Muttaki Äfğanstannıñ kön’yağındağı Kandahar vilayätendä Awrupa Berlegeneñ Äfğanstan maxsus wäkile Tomas Niklasson häm yanındağı wäkillek belän küreşte.

“Taliban” waqıtlı xökümäteneñ tışqı êşlär ministrlığı süzçese urınbasarı Hafız Ziya Ahmäd oçraşunıñ êçtälege turında “Twitter” şäxsi akkauntınnan belderü yasadı.

Ahmäd Muttakineñ Äfğanstan belän Awrupa Berlege illäreneñ diplomatik mönäsäbätläreneñ üsterelüe öçen kiräkle adımnarnıñ yasaluı häm Awrupa Berlege illäreneñ Qabuldağı ilçeleklären yañadan açuı öçen täşviq itelüeneñ zarurlığın äytüen citkerde.

Ahmäd ayıruça Muttakineñ Awrupa Berlegeneñ Äfğanstanğa täêmin itkän humanitar yärdämnär öçen räxmät äytüen iskärtep uzdı.

“Taliban” räsmiyı mäğ’lümatenä kürä, Awrupa Berlege maxsus wäkile Niklasson isä “Taliban”nıñ citäkçelekkä kilüe belän Äfğanstanda iminlekneñ täêmin itelüen häm korrupśiya belän köräştä citdi adımnarnıñ yasaluın belderde.

Niklasson ayıruça Äfğanstanğa humanitar yärdämnärne däwam itteräçäklärenä işarät itte.

Awrupa Berlege illäre 2021nçe yılnıñ 15nçe avgust könne “Taliban”nıñ Äfğanstan citäkçelegenä kilüe belän biredäge ilçeleklären yapqannar ide.