AQŞta qar buranı

AQŞnıñ Kaliforniya ştatında däwam itüçe qar buranınıñ tormış şartların qıyınlaştıruınnan soñ ğadättän tış xäl qararı qabul itelde.

Kaliforniya gubernatorı Gêvin N’yusom ştatnıñ zur öleşendä küzätelgän qar buranına qarşı çaralarğa yärdäm kürsätü öçen ğadättän tış xäl iğlan itep, Milli saqçılarğa wazifa birüen açıqladı.

İldäge hawa torışların terkäp baruçı “The Weather Channel”ğa kürä metr yarımnan artıq qar yawğan Kaliforniyaneñ San-Bernandino rayonında qayber keşelär häm yal itärgä kilüçelär awır xäldä qalğan.

AQŞtağı ut betülärne küzätep baruçı "PowerOutage.us" säxifäsennän kürengänçä ştatta qış şartları arqasında 74 meñnän artıq öydä êlektr yuq.

Meteorologiya belgeçläre ilneñ tön’yaq töbäklärendä qış şartlarınıñ tağın 8-10 däwam itäçägen, Arizonada küzätelgän qar buranınıñ bügennän başlap Tön’yaq Texasta da küreläçägen citkerde.