Yuqqa çıqqan keşeneñ qaldıqları akula êçennän çıqtı

Argentinanıñ kön’yağındağı Komodoro Rivadaviya yar buyı şähärendä yuqqa çıqqan Diyego Barrianıñ qaldıqları tabıldı. Ul balıqçılar êläktergän akulanıñ êçendä bula.

Cirle matbuğatta çıqqan xäbärlärgä qarağanda, poliśiyä wäkile Daniêla Millatrus tabılğan qaldıqlarnıñ kemneke ikänen tänendäge tatuirovkalardan añlawların äytä. Ğailäse gäwdä kisäkläreneñ Barrianıqı buluın belderä.

Balıqçılar Argentinanıñ Çubut töbägendä akulanı çistartqanda êçendä keşe qaldıqları barlığın kürep alalar. Waqıyğanı tikşerü däwam itä.

Poliśiyä äytüençä, Barrianı axırğı tapqır yar buyında kürgännär. Dingezgä kergännän soñ ul yuqqa çığa. İr-atnı köçle dulqınnar êläkterep dingezneñ êçenä taba alıp kergän dip farazlıylar.  

Komodoro Rivadaviya poliśiyä idaräse başlığı Kristian Ansal’do Barrianıñ räsmi bularaq şäxesen açıqlaw öçen DNK testı yasalaçağın citkerde.

Êçendä keşe qaldıqları tabılğan akulanıñ ozınlığı 1,5 metr tiräse bulğan.