Sankt-Peterburg östendä bilgesez ob'yekt

Rusiyädä Sankt-Peterburg hawa kiñlege, bilgesez cisem kürelü säbäble, berniqadär waqıt aralığı öçen oçışlarğa yabıldı.

Rusiyä matbuğatındağı xäbärlärgä qarağanda, ob’yekt turındağı süzlärdän soñ töbäktä xärbi oçqıçlar tikşerü öçen hawağa kütärelde.

Sankt-Peterburgnıñ Pulkovo aêroportındağı barlıq oçışlar cirle waqıt belän säğat’ 12gä qadär tuqtatılıp tordı.  

Şähär wäqalätleläreneñ bu xaqtağı belderüendä bolay diyelä. “Pulkovo aêroportında waqıtlıça oçqıç qabul itelmi häm oçışlar başqarılmıy”.

Aêronavigaśiya säxifäläreneñ mäğ’lümatlarına qarağanda, Sankt-Peterburgqa baru öçen kütärelgän küp kenä oçqıç marşrutın üzgärtergä yäisä kire borılırğa mäcbür buldı. Küpmeder waqıttan soñ hawa xäräkäte ğadättäge xälenä kire qayttı.