Kaliforniyada köçle qar buranı

AQŞnıñ könbatıştağı ştatı Kaliforniyada köçle yawım-töşem häm qar buranı köndälek tormışqa tiskäre yoğıntı yasadı. Cirle matbuğatta urın alğan xäbärlärgä qarağanda, töbäktä naçar hawa şartları säbäple 126 meñnän artıq yort êlektrsız qaldı. Los-Anjeles şähäreneñ qayber urınnarında su taşqınnarı barlıqqa kilüe citkerelde.

Kaliforniyäneñ kön’yağında yuğarı cirleklärdä başlanğan qar buranınıñ 2 kön êçendä ilneñ könçığışına taba kitäçäge äytelä. 20 millionnan artıq keşe köçle dawıl turında kisätü alğan.

Wäqalätlelär ştatnıñ yuğarı cirleklärendä qayber avtoyullarnıñ “çiktän tış küp qar häm bozlawıq”  arqasında xäräkät öçen yabıluı turında xäbär itä.

Meteorologlar cirlektäge dawılnıñ bügennän başlap Arizona, Texas, Oklaxoma häm Kanzasqa taba kitäçägen, tübän urınnarda - yañğır, yuğarılıqlarda qar buranı bulaçağın, qayber urınnarda isä tornado barlıqqa kilä aluın citkerde.

Şul uq dawıl dulqınınnan bigennän soñ Kaliforniyäneñ tön’yaq öleşläre häm Viskonsin, Miçigan, N’yu-York häm Boston ştatları da zıyan küräçäge belderelä.