AQŞta buran häm cir şuışuı kisätüe

Amerika Quşma Ştatlarınıñ şaqtıy ştatında küzätelüçe tiskäre hawa şartlarınıñ Kaliforniyada buran häm cir şuışuına kiterüe kötelä.

İlneñ Milli hawa torışı xezmäte Kaliforniya öçen salqın häm qurqınıç qar buranı kisätüen yasadı.

Hawa torışı xisabından kürengänçä Los-Andjelesnıñ yuğarı töbäklärendä küzäteläçäk häm qalınlığı metr yarımğa citüe kötelgän qar salqın cilneñ dä täêsire belän buran häm cir şuışuı riskın arttıraçaq.

Tiskäre hawa şartlarınıñ atna azağında töbäktä küzäteläçäge urın alğan xisapta räsmi zatlar qar buranı häm bozlanu arqasında qayber yullarnıñ qullanılmawı mäs’äläsendä kisätte.

İlneñ tön’yaq-könbatış yarlarınnan başlap şaqtıy töbäkkä yawğan qar arqasında küp kenä şähärdä tormış tuqtadı diyärlek. Yullarda qalğan keşelär tönne maşinalarında uzdırğan.

AQŞ mediasına kürä tiskäre hawa şartları arqasında şaqtıy ştatta yaqınça 1 million öy häm êş urını utsız qaldı. 2 meñnän artıq oçqıç säfäre ğamäldän çığarıldı.