Öydäge êşlärneñ 39%ın robotlar başqaraçaq
Belgeçlär avtomatlaştırunıñ iñ küp marketka baru êşendä bulaçağın farazladı
10 yıl êçendä öydäge êşlärneñ 39%ın robotlar başqaraçaq.
Angliyadağı Oksford Universitetı belän Yaponiyadäge Ochanomizu Universitetınnan tikşerenüçelär 65 yasalma aqıl belgeçennän 10 yıl êçendä öydäge êşlärne avtomatlaştıru köçeneñ niçek bulaçağı belän bäyle qaraşların soradı.
Tikşerenüdä Angliyadän 29, Yaponiyadän 36 yasalma aqıl belgeçe qatnaştı.
“PLOS One” jurnalında açıqlanğan tikşerenüdä belgeçlär avtomatlaştırunıñ iñ küp marketka baru êşendä bulaçağın farazladı.
Yäş’ häm olı yäş’täge keşelärne qaraw isä - yasalma aqıl texnologiyalärennän iñ äz täêsirlänäçäk êş.
İngliz ir-at belgeçläre xatın-qız xezmättäşlärenä kürä öy êşlären avtomatlaştıru mäs’äläsenä cılıraq qarıy, bu wazğıyät’ Yaponiyadä isä kiresençä küzätelä.
Oksford Universitetında wazifa başqaruçı Dotor Lulu Shi: “Balalarğa belem birü, alar belän şöğıl’länü kebek êşlär belän ber törkem êşlärneñ barı tik 28%ınıñ avtomatlaştırılaçağı uylanıla,” – dide.
