Rumıniyä östendä “bilgesez oçuçı cisem”

Hawa kiñleklärendä “bilgesez oçuçı cisem” kürelgännän soñ Rumıniyä xäwef signalı birde.

Rumıniyä saqlanu ministrlığınnan yasalğan belderügä qarağanda, älege ob’yekt açıqlanğannan soñ NATO qul astındağı 2 xärbi oçqıç hawağa kütärelä. Oçuçı cisemneñ meteorologiya aêrostatına oxşawı äytelä. Anı ilneñ radar sisteması 11 meñ metr biyeklektä sizep alğan.  

Belderüdä xärbi oçqıçlarnıñ yaqınça 30 minut buyı töbäktä küzläw yasawı äytelä. Tik oçuçı ob’yektnı taba almıylar.

Rumıniya tışqı êşlär ministrı Bogdan Auresku matbuğatqa yasağan belderüendä bolay dide: “Radarlarda kürenüenä qaramastan, xärbi oçqıçlarıbız bernindi ob’yekt taba almadı. Tulayım alğanda, hawa kiñleklärebez öçen yanaw yuq”.

Amerika Quşma Ştatlarınıñ saqlanu ministrlığı 3nçe fevral’dä Qıtaynıqı buluı farazlanuçı küzläw aêrostatınıñ AQŞ östendä xäräkät itüe häm Montana ştatında qayber xärbi ob’yektlarnıñ östennän uzuı açıqlanuın belderde.  

Qıtay isä aêrostatnıñ üzeneke buluın qabul itte, tik anıñ meteorologik tikşerenülär öçen qullanıluın, kontrol’ mömkinlekläre çikle buluı arqasında cillär belän oçırtılıp yalğış AQŞ hawa kiñleklärenä kerüen alğa sörde. Bu açıqlaw Vaşingtonnı qanäğat’ländermäde. Oçuçı cisemne 4nçe fevral’dä ilbaşı Djo Baydennıñ kürsätmäse belän Atlantik okean östendä AQŞ oçqıçları bärep töşerde.