Tayvan’nıñ küzätü iyärçene Türkiyädäge afät töbägen töşergän

Tayvan’ ğaläm agentlığı “TASA” dönya orbitasın ike köndä ber tapqır äylänep çıqqan iyärçenneñ 7nçe, 9nçı häm 11nçe fevral’ könnärendä Türkiyä östennän uzğan çaqta zilzilä töbägenä yünälep täfsille küzätü yasawın belderde.

Tayvan’ belgeçläre, iyärçenneñ 9nçı fevral’dä töşergän afät töbäge fotosürätlären şuşı uq töbäktä 25nçe ğıynwarda Awrupa ğaläm agentlığı “ESA”nıñ "Sentinel-2" iyärçene tarafınnan töşerelgän fotosürätlär belän çağıştırıp, Kahramanmaraşta yaqınça 187 gektarlık mäydandağı cir yarıqların häm cimerelgän binalarnı räsemgä töşerep potenśial’ afät mäydannarın bilgeläde.

Fotosürätlärdä yasağan çağıştıru belän ber ük waqıtta qurqınıçsız mäydannarnı da bilgeläwçe belgeçlär aşığıç sıyınu urınnarı urnaştırıla alınaçaq mäydannarnı da bilgeläp uzdı.

Belgeçlär ayıruça iyärçen fotosürätlären çağıştırıp töbäktäge tektonik plitälärneñ xäräkäten analizladı.

Törkemneñ analizları afät yoğıntısınıñ afterşoklar, iyärçen teträwlär belän kiñäyüen bilgele itte.

“TASA” fotografiyälär östendä yasağan analizlarnı 29 ilneñ häm töbäkneñ 96 oyışması häm 17 xalıqara oyışma äğ’za bulğan "Sentinel Asya" sisteması aşa urtaqlaştı.

Türkiyäneñ AFAD Afät häm ğadättän tış xällär idaräse dä “Sentinel Asya” sistemasında äğ’za.

Kahramanmaraşta uzğan atnada barlıqqa kilgän häm 10 vilayättä täêsirle bulğan 7,7 häm 7,6 zurlığındağı cirteträwlär meñnärçä keşeneñ ülemenä säbäp bulğan häm “ğasırnıñ zilziläze” bularaq bäyälände.