Taliban äğ'zalarına viza çikläwläre

Amerika Quşma Ştatları Taliban waqıtlıça xakimiyätenä Äfganstandağı xatın-qız xoquqların tıyuğa cawap itep östämä viza çikläwlären kertäçägen belderde.

AQŞ däwlät särqatibe Êntoni Blinken Taliban xakimiyäteneñ xatın - qızlarğa häm qız balalarğa qarata zolım häm basımına qarşı çaralar küräçäklären äytte.

Blinken äytüençä, alar Äfganstanda xatın - qızlarğa qarata däwam itkäm basım säyäsätläre belän qırıslıq-zolımnan cawaplı yäki anda qatnaşqan dip sanalğan xäzerge häm êlekkege Taliban äğ’zalarına, däwlättän tış qurqınıçsızlıq törkemnäre äğ’zalarına häm başqalarğa östämä viza çikläwlären kertü öçen êşkä kereşkännär.

”Mondıy keşelärneñ ğailä äğ’zaları da tiz arada bu viza çikläwlärenä duçar bulırğa mömkin dide” Êntoni Blinken.

AQŞ däwlät särqatibe Talibannıñ üz qararları belän Äfganstan xalqınıñ iminlegen sanğa suqmawın, Taliban ğamälläreneñ millionnan artıq mäktäp yäşendäge qızlarnı häm yäş’ qızlarnı belem aludan mäxrüm itüen, bik küp äfğan xatın –qızın êşsez qaldıruın assızıqladı.

Êntoni Blinken Talibannıñ ğamällären kisken räweştä ğayepläwlären belderde, barlıq äfğannarnıñ keşe xoquqların häm töp ireklären yaqlaw öçen bar köçlärenä tırışaçaqların äytte.

Uzğan yılnıñ 15 nçe avgustında Taliban Äfğanstan idaräsen üz qulına alğannan soñ däwlät häm şäxsi tarmaqta êşläwçe küp xatın - qız êşsez qaldı, xatın - qızlar häm qız balalar küp xoquqlarınnan, şul isäptän belem aludan mäxrüm iteldelär.