Qayber ğaräp illärendä naçar hawa torışı küzätelä

Köçle yañğır, cil häm qom buranı Misır, Yordaniya, Berläşkän Ğaräp Ämirlekläre, Katar, Kuveyt häm Livanda transport, sälamätlek häm ênergiya problemalarına kiterä.

Misır cirle üseş ministrlığı belderüendä äytelgänçä, ilneñ tön’yağındağı Äl-Burullus, könçığışındağı Äl-Ariş häm Äs - Suhnä portları cil tizlege artu häm dulqınnar kütärelü säbäple yabılğan.

İlneñ yar buylarında köçle yawım –töşem, cil häm naçar hawa torışı arqasında ênergiya tapşıru liniyälärenä zıyan kilü häm êlektr suğu näticäsendä şaqtıy ferma xaywanı hälaq bulğan.

Yordaniya, Berläşkän Ğaräp Ämirlekläre, Katar häm Kuveytta quätle cil arqasında qom buranı turında kisätkännär. Anıñ sulış yulları awırularına kiterü mömkinlege iskärtelä.

Livan meteorologiya institutı belderüendä “Farax” dip atalğan dawılnıñ atna axırına qadär däwam itäçäge citkerelä.